Co título "Allegro, ma non troppo. Escenas da vida diaria", o alumnado do curso de teatro do programa "Depo en marcha" da Deputación estrea o xoves 22 de decembro, ás 20:30 horas, no centro cultural San Vicente de Mañufe (Gondomar), unha obra teatral na que porá en práctica todo o aprendido durante a súa formación.

A representación, aberta a calquera persoa que desexe asistir, dirixida por Eufrasio Lucena, está baseada en textos de Wislawa Szymborska, María José Bajo, David Montero, José Francisco Ortuño, Alfonso Zurro e Sergi Belbel.

A interpretación das personaxes correrá a cargo de catorce mulleres e sete homes, o alumnado deste curso, que, coa súa participación nesta obra teatral, amosarán os resultados das aprendizaxes e os ensaios realizados.