A alcaldesa de Mos, Nidia Arévalo, e aconcelleira de Medio Ambiente, Julia Loureiro, fixeron balance do funcionamento do Punto Limpo mosense ao longo do 2016, sito no Parque Empresarial Mos-Veigadada, e principal infraestrutura de xestión medioambiental do Concello.

As representantes municipais, Arévalo e Loureiro, aportaron datos de usuarios que utilizaron o Punto Limpo durante todo o ano pasado, así como datos do volume de residuos xestionados, etc.

Doutra banda, rexedora local e edil de Medio Ambiente informaron de que o Concello de Mos adheriuse ao Convenio Marco en materia de Xestión de Residuos de Aparellos Eléctricos e Electrónicos, o pasado ano.
Devandito convenio é para dotar aos Puntos Limpos galegos de equipamento para a recollida, identificación e clasificación de residuos eléctricos e electrónicos, e cumprir así co estipulado no Real Decreto 110/2015. Desta forma as entidades municipais ou supramunicipais poden obter medios para pesar, almacenar e identificar este tipo de residuos.

Concretamente para o Punto Limpo de Mos, recibíronse o pasado mes de outubro unha báscula electrónica e unha traspaleta pesadora.

Ademais, a concelleira Loureiro anunciou tamén que próximamente construirase no interior do Punto Limpo de Mos unha marquesiña de aproximadamente 45 metros cadrados para almacenar os residuos eléctricos e electrónicos.

Balance 2016
Facendo reconto de datos, o Punto Limpo mosense xestionou durante o pasado ano 2016 un total de 372.459 quilos de desfeitos, preto de 400 toneladas: 344.950 quilos de residuos non perigosos, 4.414 quilos de residuos perigosos e 23.095 quilos de residuos de aparellos eléctricos e electrónicos.

Os residuos máis abundantes foron os resultantes de obras domésticas que sumaron un total de 133.140 quilos.
Ao longo do 2016 pasaron polo Punto Limpo de Mos un total de uns 1.200 usuarios e usuarias. Tan só no último trimestre do ano rexistráronse un total de 396 entregas de residuos, 159 en outubro, 123 en novembro e 114 en decembro.

Máis detalladamente, as cifras de xestión anual de residuos no Punto Limpo de Mos en 2016 foron as seguintes:

Residuos non perigosos:
133.140 quilos de cascallos de obras domésticas
61.000 quilos de residuos de materia vexetal
55.120 quilos de restos de madeira
33.360 quilos de residuos voluminosos: mobiliario, sofás, embalaxes, etc.
26.980 quilos de residuos de materiais plásticos
16.480 quilos de colchóns
11.980 quilos de chatarra / restos metálicos
3.120 quilos de papel e cartón
1.060 quilos de roupa usada e outros elementos téxtiles
1.260 quilos de vidro
1.450 quilos de residuos de aceites vexetais

Residuos perigosos:
-       2.300 quilos de residuos de pintura e verniz
-       1.650 quilos residuos de aceite mineral usado
-       214 quilos de residuos de pilas alcalinas e salinas
-       100 quilos de envases plásticos contaminados
-       50 quilos de envases baleiros presurizados ou aerosois
-       100 quilos de fluorescentes usados esgotados

RAEE`s (Residuos de Aparellos Eléctricos e Electrónicos):
- 8.945 quilos de RAEE`s Grandes Electrodomésticos como p.ex. frigoríficos, conxeladores, etc.
- 10.780 quilos de RAEE’s Pequenos Electrodomésticos como p.ex. aspiradoras, secadores, etc.
-  1.870 quilos de RAEE’s Aparellos Electrónicos de Consumo (TV`s, vídeos, DVD`s, equipos de informática, PC`s, etc.)
-   1.500 quilos de RAEE’s Ferramentas Eléctricas (trades, caladoras, serras, máquinas de coser,..)

Para rematar a edil Julia Loureiro quixo animar a tódolos mosenses a seguir utilizando este servizo polo ben común do municipio e da súa cidadanía, “pois depositar no Punto Limpo os nosos residuos contibúe a crear e manter un Mos máis verde, limpo e sostible”, declarou. Así mesmo lembrou que o Punto Limpo de Veigadaña permanece aberto todos os martes e xoves en horario de mañá e tarde (de 10.00 horas a 14.00 horas e de 16.00 horas a 20.00 horas) e os sábados pola mañá (de 10.00 horas a 14.00 horas).