O deputado de Cultura e Lingua, Xosé Leal, anunciou recentemente que o seu departamento está traballando para impulsar a creación dun comité asesor, configurado por persoas con perfil técnico, para abordar "cuestións de calado e a longo prazo do Museo de Pontevedra". O deputado provincial fixo este anuncio, acompañado polo director do Museo, Carlos Valle, durante a presentación da programación de exposicións previstas para o ano 2017. Tamén aproveitou para anunciar que a Deputación de Pontevedra designou a Carlos Valle para recoller, a vindeira semana, o Premio da Cultura Galega concedido ao Museo de Pontevedra na categoría de Patrimonio. "Decidimos que sexa Carlos Valle a persoa encargada de recoller o premio como un recoñecemento á súa traxectoria e, por extensión, á do Museo", sinalou Xosé Leal.

Xosé Leal incidiu en que na presente lexislatura se abriu unha nova etapa no Museo "na que comezamos dándolles valor aos técnicos e ao traballo técnico e agora estamos planificando un paso máis". Neste camiño, o deputado indicou que a reapertura, o pasado mes de agosto, das Ruínas de San Domingos supuxo un punto de inflexión a partir do cal se quere seguir avanzando ata acadar a apertura da totalidade dos edificios que forman parte do Museo de Pontevedra. "Neste ano 2017 estamos traballando, xunto con Carlos Valle, para poñer os alicerces deste comité técnico e establecer un cronograma de traballo para estudar temas como a apertura destes edificios, a reestruturación de espazos expositivos, o posible cambio de nome do Sexto Edificio ou o deseñodun logotipo máis actual", indicou o deputado. "Como políticos, aínda que traballemos cuns criterios xenéricos, eu sempre tiven moi claro que temos que estar a expensas dos técnicos, que son os que coñecen a realidade", engadiu Leal.

Programación 2017
"Neste 2017 teremo smoita actividade e será moi diversa", asegurou o director do Museo, Carlos Valle, durante a presentación da programación prevista para este exercicio. O director anunciou un programa composto por nove propostas das que destacou as dedicadas aos pontevedreses con gran proxección tanto a nivel galego coma estatal, como son o fotógrafo Miguel Vidal ou o recentemente falecido Luis Caruncho. Fixo fincapé, ademais, nas mostras que protagonizará a obra da década dos 80 de Manuel R. Moldes ou a de Jorge Castillo, de gran proxección internacional, coa que se pechará o ano. Volverá estar presente o Certame Novos Valores, con dúas mostras, así como os traballos do Máster de Creación Contemporánea. Por último, a figura histórica do feminismo María Vinyals será o centro dunha proposta programada para o outono.

"O gran éxito do Museo é este traballo circular que pon en contacto o mundo da Universidade con creadores máis consolidados", asegurou Xosé Leal na súa valoración desta programación. O deputado destacou moi particularmente a achega que se faiao mundo da discapacidade, comezando cunha mostra que pretende sensibilizar sobre a accesibilidade na arte; así como o traballo do Museo "para servir de acicate para creadores e creadoras novas e facelos parte dunha programación na que tamén atopamos a artistas moi consolidados a nivel internacional".

Relación de exposicións e datas

"Mirar conTACTO. Pintura para discapacidade visual"
 9 febreiro-19 marzo
Programada pola Fundación María José Jove e La Caixa. Pretende servir para educar e sensibilizar o público en xeral ante os problemas que para o normal desenvolvemento da súa vida teñen as persoas con discapacidade visual

Miguel Vidal "Soños"
16 febreiro-16 de abril
Mostra monográfica de fotografía preparada especificamente para o Museo de Pontevedra
Comisario: Ramón Rozas

Luis Caruncho (1929-2016).
Exposición antolóxica
4 maio-9 xullo
Mostraantolóxica, a primeira que se lle dedica tras o seupasamento, do polifacético artista coruñés, un dos pioneiros da abstracción en Galiza
Comisario: Miguel Fernández-Cid

"Isosegue o seu curso"
8 xuño-9 xullo
Nova edición da proposta resultante do Máster de Creación Contemporánea promovido polafacultade de Belas Artes de Pontevedra (UVIGO)
Manuel R. Moldes. "Pontevedra Suite"
27 xullo-17 setembro
Revisión da produción pictórica dos pasados anos oitenta do artista pontevedrés
Manuel R. Moldes
Comisarios: Ángel Cerviño e Alberto González-Alegre

Novos Valores 2017. Obra seleccionada
3 agosto-10 setembro
Mostra resultante da convocatoria do certame anual promovido polaDeputación

"María Vinyals: da aristocracia ao
 activismo feminista"
5 outubro-12 novembro
Mostra na que se analizarán a súa vida e a súa obra
Comisarias: Aurora Marco, Ángela Comesaña e Silvia Cernadas

Novos Valores 2016.
Bolsas de creación artística
10 outubro-12 novembro
Mostra na que se amosarán as obras achegadas polos artistas premiados coas bolsas outorgadas no CertameNovos Valores 2016

Jorge Castillo. Mostra retrospectiva
30 novembro-28 xaneiro
Mostra retrospectiva deste artista pontevedrés de marcada proxección internacional
Comisaria: Pilar Corredoira