Unha vivenda de Tomiño viuse afectada por un incendio declarado nun coche. O vehículo, que foi onde comezou o lume, estaba estacionado no baixo da casa. As lapas propagáronse por tres estancias, aínda que a propiedade viuse afectada por completo polo fume. 

O incendio rexistrouse nunca casa do Mosteiro, na parroquia de Barrantes. Unha persoa particular contactaba co 112 Galicia ás 8:45 horas desta mañá para indicar que estaba comezando a arder o coche. O persoal do Centro de Atención ás Emerxencias informou axiña aos Bombeiros do Baixo Miño e ao GES da Guarda. Tamén se alertou a Protección Civil, á Policía Local e á Garda Civil. 

O lume quedou extinguido contra as 11:00 horas desta mañá. Aínda que son diversos os danos materiais, ningunha persoa resultou afectada.