O PP de Salceda presentou ante o goberno municipal unha serie de propostas de acordo ás proposicións, opinións e necesidades dos veciños, ao amparo do Plan Concellos 2017 da Deputación de Pontevedra. Do máximo de 399.918,75€ que lle corresponden a Salceda para inversións, o PP suxire ao Concello que “aplique contra esta partida o proxecto de humanización  da rúa Rosalía de Castro contemplando melloras de acceso ó CEP Altamira e as aulas do CRA”.

“A rúa Rosalía de Castro precisa melloras urxentes dado que é unha vía do centro neurálxico do Concello e a diario con moita afluencia de xente, que accede ó CEP Altamira e aulas do CRA”. O PP incide na humanización desta vía posto que “a rúa é ancha e sen embargo as beirarrúas son moi estreitas polo que é moi dificultoso o acceso das familias ao colexio”. O PP suxire ao goberno municipal a necesidade de eliminar barreiras do casco urbano sobre todo para a xente que fai o percorrido a pé.

Ademais, o grupo popular engade que “é preciso buscar alternativas para acceder ás aulas do CRA Raíña Aragonta, sobre todo porque en días de moita choiva o acceso é prácticamente inviable”. Alertan asimesmo os populares do perigo de transitar polas inmediacións coas malas condicións climatolóxicas ó estar preto de árbores, que nalgúns casos, son “endebles”.

Finalmente, o Partido Popular insiste na necesidade de mellorar o acceso ás aulas do CRA para garantir o paso de equipos de emerxencioas en caso de precisalos. Asimesmo, informan da “necesidade de dotar a vía de puntos de luz, totalmente inexistentes ata agora, o que dificulta aínda mais o tránsito polo camiño”.