A alcaldesa, Eva García de la Torre, en nome do Concello do Porriño, e Juan Carlos Otero Francés coma presidente da Asociación Cultural San Rosendo, veñen de asinar un convenio polo cal esta nova entidade disporá do uso das instalacións municipais do Centro Cultural Alba.

Dende xaneiro pasado, logo dos problemas da anterior directiva que acabaron coa disolución daquela entidade e a fundación da nova, a mesma plantexara ao Goberno local a posibilidade de dispor destas instalacións para disfrute dos veciños de Torneiros, algo que dende agora xa é unha realidade.

A intención da nova asociación é iniciar canto antes a programación de actos culturais, participativos e de lecer, abertos a participación de todas as porriñesas e porriñeses, en xeral, e especialmente dos cidadáns de Torneiros.

A súa intención é que o primeiro destes actos sexa o vindeiro día 11 de marzo que coincide coa celebración do día de San Rosendo.