Centos de rapazas e rapaces, alumnas e alumnos de ACEESCA e dos Colexios de Ensino Infantil e Primaria (CEIP) Antonio Palacios e Ribeira do Louro, saíron ás rúas da parroquia nun desfile conxunto de Entroido acompañados polos profesores, xefas e xefes de estudos e directores, ademais de familiares, que se achegaron a Torneiros.

Ás 10 e media, e facendo de freces, limóns, sandías, cociñeiras e cociñeiros, representando a intrépidos viaxeiras e viaxeiros ou veciñas e veciños de México, mesmo de Xapón, e ao ritmo de música do Caribe, os estudantes participaron no primeiro dos actos do ‘Entroido do Porriño 2017’, organizado pola Consellería de Educación, dirixida por Lourdes Moure.

Voluntarios de Protección Civil e axentes da Policía Local foron os encarados de asegurar que o desfile transcorrese con seguridade, cortando o tráfico en varias vías e rúas de Torneiros, achegadas a cada un dos centros e ‘comparas’ que tomaron parte nesta ‘comitiva’.