A Asociación Deportiva Wudang de Ponteareas vén de pechar a súa participación no Campionato de España de Wushu celebrados no Pavillón do CSD en Madrid.

As medallas acadadas polos deportistas ponteareáns quedaban distribuídas do seguinte xeito:

Paula Sotelino: Medallas de ouro nas categorías de Changquan junior e Gunshu junior, así coma bronce en Daoshu junior.
 

Jacobo Mo: Medalla de ouro na categoría de Nandao absoluto promoción e bronce en Nanquan absoluto promoción.
 

Maikel Cuña: Medalla prata en Nanquan absoluto promoción, e bronces en Nandao absoluto promocion e Nangun absoluto promoción.
 

Belén Arjones: Medallas de ouro nas categorías de Nanquan absoluto promocion e Nangun absoluto promoción, así comoa prata en Nandao absoluto promoción.
 

Sergio Vazquez: Medalla de bronce na categoría de Changquan junior

O éxito da Asociación Deportiva Wudang en Madrid non fai máis, “que amosar o bo estado de saúde que ten o deporte ponteareán nas súas distintas especialidades”, sinala o concelleiro de Deportes do Concello de Ponteareas, Benito Márquez.

Márquez chama a atención sobre o feito de que o municipio do Tea “conta con deportistas que, ben incluídos en clubs ou ben con participacións individuais, están a un altísimo nivel e así o demostran en todas as competicións nas que participan”.