As concelleiras socialistas de Ponteareas, Chus Garrote, Vanesa Fernandez e Inés Vidal queren manifestar publicamente "o noso apoio ó manifesto socialista en defensa da igualdade real das mulleres. As tres concelleiras dende as nosas responsabilidades de goberno, demostramos dia a día o compromiso certo do PSOE coa igualdade. Agradecemos a confianza depositada en nós, polo noso partido para asumir concellerías como Urbanismo, Vias e Obras, Seguridade Cidadá e Comercio, áreas de gran importancia para o Concello de Ponteareas e que poucas veces os partidos políticos poñen ó fronte a mulleres como máximas responsables. Creemos que así, ó poñer en práctica o que se defende, é como mellor se visualiza e se da exemplo da importancia de promover ás mulleres en postos de máxima responsabilidade no ámbito público".

As tres concelleiras denuncian que  "en España, o Goberno do partido popular incumpre a Lei Orgánica 3/2007 para a Igualdade Efectiva de Mulleres e Homes (LOIEMH). O Goberno suprimiu este ano as subvencións para a formación en igualdade.  Sabemos que a discriminación, a desigualdade é un problema que foi en aumento ao non poñerse en marcha medidas por parte do Goberno para acabar con elas. Mentres a violencia machista segue crecendo, tamén as mulleres asasinadas e as súas fillas e fillos, vítimas todos eles de maltratadores. Hai que previr e garantir a formación en igualdade en todos os ciclos formativos entre as mozas e os mozos. Só educando en igualdade, poderemos vivir en igualdade".

Tamén queren chamar a atención subre "a reforma laboral do PP, está a prexudicar máis ás mulleres pola repartición desigual do emprego no mercado laboral, pola precariedade e a temporalidade laboral con un significativo recorte na prestación por desemprego. Especialmente significativo en Ponteareas onde a taxa de paro feminino é a mais alta da provincia de Pontevedra. Ademais a pensión que reciben as mulleres é un 37% máis baixa que a dos homes. Os salarios das mulleres son un 23,25% menos. Esta brecha de Xénero foi crecendo no últimos seis anos".