Miles de persoas disfrutaron esta tarde en Tui do XXX Desfile-concurso de Entroido en Tui. O sol acompañou durante o percorrido o que permitiu as dez comparsas participantes lucir os traballos realizados durante as últimas semanas con derroche de imaxinación e corido.

A comparsa “Cantos Somos, apertura sen expropiación” fíxose co primeiro premio na categoría xeral, amais o xurado concedeulles o primeiro premio en acompañamento musical  e o segundo en carrozas coa parodia que realizaron da apertura da rúa Ourense.

A proposta da Asociación O Mosteiro “Pokemons en Pexegueiro” levouse o segundo premio na categoría xeral, o terceiro en carrozas e o segundo en acompañamento musical. Mentres a parodia realizada pola Asociación Arume de Malvas sobre o cambio de sentido en Riomuíños baixo o título de “Trump-palladas en Tui” levouse o terceiro premio na categoría xeral, seguido de “Lembranzas Sevillanas” da Asociación Lembranzas da Terra de Guillarei co cuarto premio, de “Luces, 50 sombras más oscuras” da comparsa Luces de Tomiño co quinto, “Os vikingos da Picoña” de Salceda quedaron clasificados en sexto lugar, e “O Borralliño de Soutelo” levouse o sétimo premio.

En Fantasía a comparsas gañadora foi “Os da Caña” de Marín.

Gañadores Absolutos

1. Cantos Somos, apertura sen expropiación, de Tui
2. Pokemons en Pexegueiro, de Tui
3. Trump-Palladas, de Malvas, Tui
4. Lembranzas Sevillanas, de Guillarei, Tui
5. Luces, 50 Sombras más oscuras, de Tomiño
6. Os Vikingos da Picoña, de Salceda
7. O Borralliño de Soutelo, de Salceda

Gañadores Carrozas

1. Os Vikingos da Picoña, de Salceda
2. Cantos Somos, apertura sen expropiación, de Tui
3. Pokemons en Pexegueiro, de Tui
4. O Borralliño de Soutelo, de Salceda
5. Luces, 50 Sombras más oscuras, de Tomiño
6. Cleopatra cruzando o Nilo, de Vigo

Gañadores Fantasía

1. Os da Caña, de Marín