Outro ano máis, o CPR Plurilingüe Santiago Apóstol de Ponteareas participará na campaña “Sacalalengua: o Proxecto do microbioma bucal” do Centro de Regulación Genómica (CRG) de Barcelona.

O obxectivo do Proxecto persegue ser coñecedor da flora bacteriá presente na nosa boca, e se é indicativa de enfermidades e/ou hábitos de vida.

O vindeiro 15 de marzo (mércores) pola mañán os investigadores CRG Dr. Luis Bejarano e Dra. Andrea Blanco recollerá mostras de saliva, realizarán demostracións dalgunhas técnicas de enxeñaría xenética e  impartirán charlas para os alumnos de 4º de ESO. Xa pola tarde, os antigos alumnos que participaron no 2015 doarán saliva (para analizar se o seu microbioma ten cambiado).

De 16 a 18 horas deste mércores están invitadas as familias, docentes e os pontareáns que queiran participar neste Proxecto de ciencia cidadá. Poderán asistir a todas as explicacións dos científicos do CRG, e colaborar coa doazón de saliva para o estudo. Faise especial convocatoria para aquelas persoas  con enfermidades bucais, celiaquía, síndrome de Down, fibrose quística, diabete e  anorexia, co fin de comparar resultados con outros doantes sen estas doenzas.

Invitámosvos a que participedes nesta xornada de ciencia cidadá. Coa fin de organizar a xornada da tarde, podedes apuntarvos na Secretaría do Centro.