156 alumnas e alumnos participan este xoves nunha xornada de achegamento ao Judo

156 alumnas e alumnos do CEIP Plurilingüe de Atios-39-, o Xosé Fernández López-48- e o Colexio Hermanos Quieroga-25- participarán este xoves, no Pavillón Municipal, nunha xornada de Aproximación ao Judo, na que, a través de xogos guiados, aprenderán varias das técnicas básicas deste deporte.

As sesión, de 10 a 11:15 h. e de 11:15 a 12:30, servirán para que as rapazas e rapaces se acheguen ás ‘Destrezas Técnicas’, e ‘Destrezas Físicas’ aprendendo  o emprego de habilidades motoras básicas e combinadas simples ao tempo que se lles transmite un concepto novo de práctica deportiva baseado na loita, pero con fins unicamente deportivos e lúdicos.

Esta sesión está organizada pola Federación Galega de Judo e Deporte Adaptado, a Concellería de Deportes do Concello do Porriño, que estará representado pola alcaldesa, Eva García de la Torre, e o concelleiro de Deportes, Manuel Carrera, e o Secretaría Xeral para o Deporte, dependente do Goberno de Galicia.

As prácticas serán impartidas por profesores da Federación Galega de Judo, en cooperación cos profesores de Educación Física de cada un dos centros participantes.