A conselleira de Medio Ambiente e Ordenación do Territorio, Beatriz Mato, e o reitor da Universidade de Vigo, Salustiano Mato, salientaron esta semana a necesidade de traballar de xeito conxunto en dous proxectos de investigación: como o proxecto MarRISK e o proxecto Lifetec, dous proxectos no ámbito do medio ambiente e do cambio climático de calado importante.

O proxecto MarRISK ten por obxectivo asegurar un crecemento inteleixente e sustentable das zonas litorais de Galicia e Norte de Portugal, mediante unha avaliación dos riscos costeiros máis importantes nun escenario da cambio climático. Pola outra banada, o Lifetec busca aproveitar as sinerxias dos radares meteorolóxicos existentes para detectar incendios nunha etapa moi temperá e, deste xeito, mellorar o actual EFFIS (European Forest Fire Information Systems- Sistema Europeo de Información de Incendios Forestais).

Mato Otero destacou a necesidade de aproveitar o potencial investigador da universidade, xa que Galicia necesita o I+d+i  do ámbito universitario para progresar no coidado do medio ambiente e na ordenación racional do territorio.

A conselleira tamén invitou á Universidade de Vigo a sumaráse ao grupo de traballo do Observatorio dos Ríos, unha iniciativa da Consellería de Medio Ambiente e que ao longo do mes de abril se iniciará a súa creación. Recordou que este organismo terá unha composición multidisciplinar, con entidades da administración, sociedade civil e institucións do ámbito académico, entre as que se atopa a Universidade de Vigo.

 

Beatriz Mato destacou a necesidade de aproveitar o potencial investigador da universidade, xa que Galicia necesita o I+d+i para progresar no coidado do medio ambiente e na ordenación racional do territorio

 

Durante o encontro a conselleira de Medio Ambiente puxo en valor as colaboracións que se están a desenvolver na actualidade, como o convenio para que alumnos da Universidade de Vigo podan facer prácticas nas dependecias da Consellería, como por exemplo na Dirección Xeral de Calidade Ambiental e Cambio Climático, o departamento encargado de promover a Estratexia de Cambio Climático e Enerxía, na que se implica aos universitarios co fin de aplicar os seus coñecementos.

Recordou que outros dos ámbitos nos que se colabora é a ordenación do territorio, coa participación dos responsables e técncios da Axencia de Protección da Legalidade Urbanística en seminarios, coloquios e xornadas para achegar ao alumnado a esta materia.

Por último, a conselleira destacou a necesaria particpación da Universidade de Vigo para levar a cabo proxectos que melloren as estartexias medio ambientais, que redunden na mellora das augas, da calidade ambiental, no coidado da paisaxe e da ordenación urbanística, materias de competencia directa do departamento que dirixe Beatriz Mato.