O Concello de Tui vén de ampliar o prazo para presentar as solicitudes para participar na XXI Feira de Artesanía que se celebrará o 6 e 7 de maio.  Deste xeito os artesáns interesados terán ata o luns, 17 de abril, para presentar a solicitude e documentación requirida podendo remitirse tamén por correo feiraartesania@concellotui.org, así coma persoalmente no departamento de Cultura na casa do concello de Tui ou enviando por correo postal a documentación impresa.

Lembramos que se ofertan un total de 44 postos de venda directa aos que poderán acceder aquelas persoas que o soliciten sendo requisito imprescindible que estean en posesión da carta de artesán de Galicia ou do carné acreditativo equivalente de garantía de calidade expedido noutras comunidades.

 

Celebrarase o 6 e 7 de maio

 

A XXI Feira de Artesanía de Tui celebrarase o sábado 6 e o domingo 7 de maio de 12 a 22h na rúa Ordóñez, e nas prazas do Concello e San Fernando. Haberá amais un espazo reservado para as asociación de Palilleiras do Baixo Miño e de Bordado ao Aire. O obxectivo desta feira é apoiar a comercialización do produto artesán, así coma promocionar de difundir a actividade artesán achegándoa ao público dun xeito directo. Ao tempo tamén se busca a promoción e dinamización do conxunto histórico de Tui e do Centro Comercial Aberto da cidade no eido comercial, social e cultural.