Os expertos coinciden en que este 2017 leva, sobre todo, o natural. O que se persegue, en termos xerais, son deseños atemporales que xeren calidez e favorezan unha sensación de relaxación, confort e calma. Todo isto vai da man cun cambio social no que se aposta por hábitos de vida saudables que inclúen a realización de actividades ao aire libre ou a aposta por produtos alimenticios ecolóxicos e o coidado do medio ambiente.

En anos anteriores a idea do fogar acolledor, fora acollida con tendencias como o “total white” que esaxeraba a idea do limpo e claro como confortable. Fronte á nova perspectiva da decoración de interiores, esta tendencia resulta demasiado artificial o que pode servir como claro exemplo do camiño que toman os cambios que se están producindo nesta área.

Os novos catálogos empezan a apostar por cores moi diversas pero suaves, acolledores e, sobre todo, atemporales como os verdes e os azuis en tons grisáceos.

Os elementos de crochet, punto ou tricot son parte desta tendencia e son moi desexados para xerar esta sensación de calidez e confort. Engádense en coxíns e mesmo pufs. En xeral, en calquera elemento decorativo especialmente dentro das habitacións e do salón.

A decoración como forma de expresión
O 2017 tamén parece que será o ano do amor: do amor polo medio ambiente, polo ser humano, por un mesmo. Búscase crear un ambiente acolledor onde cada obxecto sirva para expresar quen son de maneira sincera. Se aposta polo artesanal, o tradicional e o natural pero sobre todo, por aquilo que fale de nós.

Os expertos confirman que a preferencia polos elementos decorativos que sirvan como medio para expresar as ideas propias afiánzase este 2017 e estará presente nos anos posteriores.

A tendencia eco parece que tamén atopa no 2017 un ano de afianzamento. Estarán presentes nos fogares estampados florais suaves, cores verdes e marróns claros en obxectos xogando entre o casual e o elaborado. Aínda que o retro aínda segue tendo moita forza apoiará a creación de espazos acolledores, refrescantes e de expresión da individualidade dunha maneira máis sutil.