Un equipo de investigación da Universidade de Melbourne (Australia) creou unha vacina que podería acabar coa periodontitis grave ou polo menos diminuír a necesidade de intervención cirúrxica e tratamento antibiótico.

A investigación, realizada polo Centro de Investigación Cooperativa sobre a Saúde Oral da Universidade de Melbourne, concluíu coa creación dunha vacina capaz de actuar sobre as encimas gingipaínas, que son as que orixinan a destrución do tecido periodontal provocando así a perda dos dentes. A vacina activa unha resposta inmune xerando a produción de anticorpos e neutralizando estas encimas.  

As probas da investigación realizáronse cun modelo animal en ratos e está previsto que se inicien os ensaios clínicos da vacina en seres humanos a principios de 2018.