A Xunta, a través do Instituto Galego da Vivenda e Solo (IGVS), sorteará o próximo día 8 de maio seis vivendas rehabilitadas polo Consorcio do Casco Vello de Vigo, nos números 10-12 e 45-47 da rúa Ferrería.

As listas de demandantes de vivenda que participarán en ditos sorteos foron publicadas hoxe e poden consultarse na web do IGVS a través da seguinte ligazón: http://igvs.es/web/actuamos/600

Dúas das vivendas que se adxudicarán están emprazadas na rúa Ferrería 10-12. Ambas dispoñen dunha superficie de 56,79 metros cadrados ademais dun rocho, e o prezo de venda vai de 90.000 a 95.000 euros.

As outras catro vivendas sitúanse en Ferrería 45-47, con superficies dende 55 a 109 metros cadrados e prezo de venda entre 83.000 e 175.000 euros.