A Presidenta da Deputación de Pontevedra, Carmela Silva, cualificou hoxe de preocupantes os datos da Enquisa de Poboación Activa (EPA) do primeiro trimestre de 2017 onde o número de desempregados creceu en máis de catrocentas mil persoas en todo o país.

Especialmente alarmante, segundo Silva, é a situación da provincia de Pontevedra, onde a pesar de ter unha taxa de actividade medio punto por riba da media galega a taxa de desemprego é a máis alta das catro provincias galegas, estando tamén por riba da media nacional e achegándose ao 19,63 por cento.

Segundo a EPA son 85.500 persoas da provincia están en situación de desemprego o que para a Presidenta da Deputación é “unha mala noticia e esixe das administracións que poñamos todo da nosa parte para corrixir esta situación con todas as nosas posibilidades e esforzos, sobre todo, fago unha chamada a Rajoy e Feijoo, que teñen as competencias, para duplicar a súa labor cara a reducir estas cifras e non caer na autocomplacencia”.

Nembergantes  un dos datos máis importantes que reflexa a EPA a xuízo de Carmela Silva é a situación dos fogares nos país con todos os seus membros en desemprego. Os datos da EPA reflexan que 1.394.700 fogares de todo o país teñen a todos os seus membros en paro, cun incremento de 6.900 fogares sumados nestes tres primeiros meses do ano. “Cando vemos que as prestacións por desemprego caen mes a mes é moi preocupante e dramático que case que 1,4 millóns de fogares teñan a todos os membros das listas do desemprego e que enquisa tras enquisa a cifra segue a aumentar”, subliñou Silva.

Para a Presidenta da Deputación á temporalidade da contratación, que se achega neste trimestre case o 26 por cento, e as altas cifras de desemprego feminino son os outros aspectos máis inquietantes que arroxa a nova EPA deste trimestre.