O Plan Integrado de Emprego do Concello de Mos, coordinado pola concellería de Promoción Económica e Emprego que dirixe o edil Óscar Soto, e impartido na Axencia de Colocación, organiza unha xornada sobre as claves para participar nos procesos de selección do sector da industria.

A xornada impartirase mañá no salón de actos da Axencia de Colocación, e contará como ponentes con Pablo Búa Burgos, Victoria Troncoso, e Xiana García Cendón.

Estímase que asistirán entre 60 e 70 persoas e os temas que se van a tratar por cada relator son estes:

1. Introdución ao sector.
2. Pautas a considerar para entrar nun  proceso de selección. Criterios de preselección dun candidato.
3. Competencias demandadas
4. Criba curricular
5. Técnicas de recrutamento empregadas pola empresa
6. Técnicas de selección utilizadas
7. Pautas a considerar para poder manter o posto de traballo unha vez conseguido

Ao final das exposicións de cada un haberá unha quenda de rogos e preguntas.

O horario da xornada será de 11.00 horas a 13.00 horas.