Dende o departamento de Medio Ambiente do Concello levan "anos traballando para reforzar e concienciar sobre a reciclaxe e o sistema de recollida selectiva, ademais de facer un gran esforzo  para achegar este servicio a todos os nosos veciños e veciñas, co fin de seguir reducindo a cantidade de lixo enviado ao contenedor verde, e así mellorar o noso medio ambiente, xa que esa será a herdanza que lle deixamos aos nosos fillos e fillas".  Nas ultimas datas coa colaboración de Sogama iniciaban un proxecto de compostaxe caseira que sigue aberto a todos aqueles que queiran participar. 

Hai uns meses que  comezaron con este proxecto no que participaron  25 familias, e o resultado aseguran "esta a ser moi bo, polo que decidimos seguir potenciando este sistema e colaborar con máis veciños". 

Esta semana entregábanse 16 novos composteiros, pero o obxectivo é chegar a moitos veciños máis  "xa que toda aquela persoa que teña unha casa pode participar e crear o seu propio compost para utilizalo na súa finca ou no seu xardín, unha maneira ecolóxica e natural de traballar, pero sobre todo unha maneira de coidar o noso medio ambiente, algo do que cada día somos máis conscientes,  e esperamos chegar a moitas máis casas". 

Nestes momentos tamén se está estudando a posibilidade de facer un sistema de recollida de compost no Casco urbano.