O Concello de Ponteareas vén de dar por rematadas as obras que se desenvolvían no Conservatorio Municipal de cara a rematar cos problemas de filtracións de auga e humidades no interior das instalacións.

A solución proxectada dende a Oficina Técnica do Concello de Ponteareas, explica a concelleira de Ensino, Cristina Fernández, consistiu na retirada da  actual cuberta baixa para substituíla por unha nova, procedendo á impermeabilización do encontro da cuberta co módulo principal do edificio en todo o seu perímetro.

Os traballos, cun custe de preto de 40.000 euros foron financiados con fondos propios do Concello e o Plan Concellos da Deputación.

Doutra banda, tamén desenvolvéronse obras nos baños e no exterior do edificio do a fin de erradicar as permanentes humidades ocasionadas polas filtracións en días de choiva.

Era unha actuación necesaria, explicaba Cristina Fernández Davila, “de cara a acondicionalo para impedir a entrada constante de auga e humidades”. Con estes traballos, engade a concelleira, “o Goberno non fai máis que dar resposta as peticións da Comunidade Educativa que durante tanto tempo solicitou melloras nas instalacións desatendidas nos mandatos anteriores”.

Fernández Davila manifestou que esta é unha parte das obras necesarias para a mellora integral do edificio que acolle as clases do Conservatorio e a Escola de música municipais.