A Unión Deportiva Mos informa da vindeira celebración da Baloutas Cup 2017, torneo que se celebrará o próximo día 17 de maio no mosense Campo de Fútbol das Baloutas.

Neste torneo xogarán un total de 16 equipos que sumarán máis de 200 participantes.

Ao tratarse do Día das Letras Galegas, toda a información do torneo que se dea pola megafonía do evento deportivo farase, como non podía ser doutro xeito, en galego.

A Baloutas Cup rexerase por normas pensadas para fomentar o xogo limpo e o respecto, con mención especial á deportividade, saúdo obrigatorio entre todos os membros do equipo e árbitros ao comezar e finalizar cada partido; e tamén con premio á afección máis ‘ruído-respectuosa’.

A arbitraxe correrá a cargo do Colexio de Arbitros de Galicia e repartiranse premios entre todos os participantes.
Tamén haberá pulpeiro e churrasco no campo.