O Ministerio de Fomento consignou para a "Adecuación e mellora da seguridade víal da A-55 Vigo-Porriño" unhas partidas de 3.194.430 € para o ano 2016 e de 2.129.620 € para 2017.

Dende Gañamos explican que “é evidente que nin de lonxe se efectuarón obras por estos importes e menos ainda nas melloras que atañen ó noso concello. Nos terreos destinados ao novo acceso en San Eleuterio apenas deixaron a tarxeta de visita movendo terras un par de días cando a’execución iminente’ desta rotonda foi proclamada pola sra. Arévalo a principios de 2015”.

Marina Alcalde e Marcos Escudero sinalan que “Igual sucede nas actuacións nos accesos da A-55 na parroquía de Petelos onde a parte de colocar sinais de obra e pintar de amarelo o asfalto pouco máis se coñece”.

“No caso das obras da `pasarela peonil para o camiño portugués de Santiago" da A-52 en Mos nin siquera hai movemento de terra visibles ou sinalización provisional. Cando presentamos unha moción para mellorar a seguridade víal na intersección entre a autovía A-52 e a estrada N-550 a srá Arévalo vetouna anunciando a "inminente execución` de dita pasarela peonil”.

Dende Gañamos din que “certamente o Ministerio de Fomento tiña consignada unha partida de 200.00€ para executala no ano 2016 pero estamos a mediados do 2017 e parece que a sra. Arévalo agasallounos con outra ración de fume”