Hoxe comeza o prazo de presentación de solicitudes para participar no proceso selectivo para cubrir catro postos no Concello de Tui, logo de que hoxe viñera publicada no BOP a convocatoria. Por unha banda convócase unha praza de técnico medio para a realización de tarefas de información turística na oficina de turismo, e tres prazas para as piscinas municipais, un delas de operario de mantemento a tempo completo e dúas de operarios de servizos diversos e mantemento a tempo parcial.

Os interesados poderán presentar as súas solicitudes ata o 31 deste mes de maio, podendo consultar as bases destas convocatorias na web municipal, e no taboleiro de anuncios da sede electrónica ou na propia casa do concello.