O pasado mes de Xullo de 2016 o alcalde recibía aos representantes do Comité del Centenario de Casa de Tui; xuntanza na que se lle convidaba a participar na celebración do mencionado Centenario. “Oito meses despois -marzo de 2017- o alcalde facíanos chegar a invitación aos demais grupos da Corporación Municipal” explica Santiago Davila, voceiro do Partido Popular.

No ano 2013 celebrábase o centenario da creación do Centro de Protección Agrícola do Distrito de Salceda. O Partido Popular apoiou os actos viaxando ata o lugar e participando nas diversas actividades por considerar que atinxían concretamente a Salceda de Caselas. Según explica Rodríguez Davila “a dita celebración non acudiron ningún/ha dos/as representantes da Corporación do Concello de Tui, posto que aínda que estaban convidados/as, entenderon que no acto celebrábase o centenario correspondente á parte salcedense. Amparándonos nestes feitos, cremos oportuno adoptar esta mesma postura (non acudindo á Celebración do Centenario da Casa de Tui) e actuar, así, coherentemente. É por isto que non entendemos a decisión do alcalde”.

“Ademais, o Decreto publicado no Boletín Oficial da Provincia no día de hoxe reflicte claramente que a viaxe a Bos Aires non é nin de carácter oficial nin institucional -tal e como ven decindo o alcalde nos últimos días- xa que neste momento atópase no seu período de vacacións”. A través deste Decreto, Besada delega todas as funcións na tenente alcalde, María Dolores Castiñeira Alén. Por todo isto, explica Santiago Davila, “o Partido Popular non chega a comprender cómo Marcos Besada paga esta viaxe con fondos públicos do Concello, quédase tan tranquilo e aínda presume deste feito a través de diversas publicacións, tanto na prensa como nas redes sociais”.

“Mentres tanto, o abandono das infraestructuras (estradas, beirarrúas, saneamento, alumeado público…) son máis que evidentes, as obras do Plan Concellos do 2016 continúan sen iniciarse (Rúa Compostela, Coruña, Rafael Tilve…) e un longo etcétera”.

Continúa o voceiro popular “cando no ano 2009 tomei posesión do cargo de concelleiro da Corporación Municipal, unha das primeiras decisións que adoptei foi a de viaxar ata Bos Aires para coñecer de primeira man ós/ás veicños/as salcedenses emigrados/as e á Asociación. Así pois, de haber algún suceso ou motivo que xustifique e requira da nosa presencia alí estaremos para prestar a nosa axuda e apoio ó conxunto da Asociación Mutual, Cultural e Recreativa Tuy-Salceda e a todos/as socios/as”.

Dende o Partido Popular explican que “ante todo, queremos amosar o noso respeto e apoio á Asociación, que sempre contou coa estima e apoio do partido, ademais de trasladar as nosas máis sinceiras felicitacións”.