Dúas persoas resultaron feridas hoxe en Gondomar tras ser atropeladas por un vehículo. O coche quedou sen freos e levou por diante a unha muller e ao seu fillo, menor de idade. No momento no que se produciron os feitos, no interior do coche non había ninguén.

O atropelo tivo lugar a Avenida do Tranvía, á altura dun colexio. Unha persoa particular alertou da situación ao 112 Galicia ás 14:00 horas desta tarde.

O persoal do Centro de Atención ás Emerxencias do 112 informou do ocorrido a Urxencias Médicas e aos Bombeiros do Baixo Miño. Tamén se alertou ao GES do Val Miñor, a Protección Civil, á Policía Local e á Policía Autonómica.

Os efectivos sanitarios mobilizaron unha ambulancia ata o punto para asistir á muller e ao menor.