O novo Arteon xa está á venda en España. O novo Volkswagen conta cun look vangardista que marca unha nova pauta de deseño para as próximas xeracións de vehículos Premium de Volkswagen. En concreto, o vehículo reinterpreta o concepto dos fastback á vez que o combina cun exterior carismático e deportivo, un interior espazoso e numerosas opcións de conectividade.

Destaca, ademais de por o seu deseño, por gran espazo interior, pensado para o confort a funcionalidade. Co seu amplo espazo para a cabeza e as pernas - tanto do condutor como dos acompañantes - o Arteon sitúase por encima da oferta tradicional do seu segmento. O seu maleteiro, cunha capacidade de 563 litros, é o máis grande da súa categoría.

Outros elementos de deseño que destacan no carismático Arteon son un frontal completamente novo, no que os faros dianteiros e as luces de posición LED fusiónanse coas barras cromadas en prateado da parilla do radiador e tamén co capó. Ofrece tres niveles de acabados: Arteon, Elegance e R-Line. Os niveis de acabados R-Line e Elegance acentúan aínda máis o carácter elegante e deportivo deste novo Volkswagen, ofrecendo o primeiro un estilo máis clásico, mentres que o segundo transmite unha sensación máis aerodinámica e atlética á aposta de Volkswagen polo segmento Premium.

O Arteon pode equiparse con seis potentes e eficientes motores: tres motores de gasolina e tres motores diésel. Os motores de gasolina son un 1.5 TSI EVO de 110 kW (150 CV) e dous motores 2.0 TSI que entregan entre 140 kW (190 CV) e 206 kW (280 CV). Pola súa banda, a oferta de motores diésel consiste de dous motores 2.0 TDI cunha entrega de entre 110 kW (150 CV) e 140 kW (190 CV), e un motor 2.0 BiTDI CR, cunha potencia de 176 kW (240 CV). De todos eles, o 2.0 TDI de 110 kW (150 CV), o 2.0 BiTDI CR de 176 kW (240 CV) e o 2.0 TSI de 206 kW (280 CV), estarán dispoñibles desde o lanzamento.

Así mesmo, o novo Arteon inclúe unha ampla gama de opcións de conectividade de serie, como os sistemas App Connect, Guide & Inform e Security & Service, o que o converten no modelo referencia en canto a conectividade de Volkswagen.

O prezo do novo Arteon parte dos 41.790€ (sen descontos nin campañas) para o motor 2.0 TDI de 110 kW (150CV) DSG 7, e estará dispoñible nos concesionarios a partir do mes de xuño.

Todas estas características, xunto a uns acabados interiores e exteriores coidados ata o máis mínimo detalle, fan do novo Arteon un vehículo capaz de satisfacer as necesidades dos clientes máis esixentes.