Santiago Rodriguez Davila, voceiro do Partido Popular, amosa a súa incredulidade ante as últimas declaracións do Goberno Municipal sobre o importe da débeda do Concello de Salceda de Caselas: “non chegamos a entender cómo poden vendernos a panacea en canto á xestión económica ó afirmar que a débeda está por debaixo do millón de euros cando os últimos datos oficiais que temos –datan do 31 de decembro de 2016 e entregados hai uns días- indican que tan só en préstamos o importe ascende a 1.250.000 euros”.

Segundo explican os populares “a este importe hai que engadir en concepto de obrigas pendentes de pago 1.154.000 euros e outros importes correspondentes ó orzamento e ó recoñecemento extraxucial de crédito, entre outros. É decir, é completamente imposible que a débeda do noso Concello se sitúe en tales cantidades que menciona o goberno local”.

Asegura Davila que “ademáis, nas semanas vindeiras o importe só en préstamos superará os 2 millóns de euros posto que se concertará un novo por importe de 798.000 euros, as condicións do mesmo, irá a pleno o venres próximo”.

“Unha vez máis queda de manifesto a manipulación do alcalde e do seu grupo de goberno á hora de transmitir as contas do Concello. A panacea en canto á xestión non é tal xa que dende que é alcalde Besada,a débeda incrementouse nun 280% pasando de 1.5 millóns a máis de 4 millóns de euros (datos do 31 de decembro 2015).

Os populares pídenlle o concelleiro de facenda e o Alcalde, “que deixen de tanto alardear dos seus números –a realidade  é ben distinta- e se poñan a traballar no orzamento deste ano 2017, a día de hoxe, aínda estamos á espera de que nos presenten o orzamento” conclúe o voceiro popular.