A Asociación de Veciños de Petelos organiza un ano máis no Parque do Monte do Castro de Petelos a Festa da Árbore e da Poesía que, nesta ocasión, acada a súa IV Edición. Celebrarase o vindeiro domingo, día 4 de xuño, e dará comezo ás 13.00 horas cun paseo polo monte con guías forestais que explicarán o valor das árbores e o equilibrio ecolóxico. Tamén se fará unha rega comunitaria de árbores e actuará o Grupo de Gaitas San Martín de Tameiga.

Ás 15.00 horas da tarde está programada a comida campestre que irá seguida, ás 16.30 horas, do fallo do Concurso de Poesía e de Debuxo e da exposición e lectura dos traballos seleccionados.

Pola tarde actuará tamén o grupo folclórico Pés na Rúa e durante toda a festa haberá instalados hinchables de uso libre.