O Cadetes da AD Tomiño clasificáronse para a final de Copa logo de vencer ao Gondomar FB no partido disputado o mércores na Carballa. O equipo tomiñés fixo valer a súa pegada para superar ao equipo visitante por 4 goles a 1.

Deste xeito os rapaces adestrados por Jesús e Bruno agardan rival na final que se disputará este fin de semana e súmanse aos Prebenxamíns da AD Tomiño que tamén xogarán a final da súa Copa. Os Alevíns do clube, pola súa parte, certificaron tamén o seu pase as semifinais do torneo copeiro.

Ao rematar o encontro, os Cadetes vermellos recibiron de mans dun representante da Federación o trofeo que os acredita como campións de liga. Os rapaces da AD Tomiño puideron así ofrecer o título a afección que os acompañou na súa clasificación para a final de copa.