Raquel Bautista Alfaya,Vice  portavoz de ACiP considera que o anuncio feito pola Concelleira de Vias e Obras sobre as obras do Paseo Matutino, “son unha auténtica burla para os veciños e veciñas da zona que hai anos que veñen reclamando a mellora integral da zona”.

Segun o portavoz independente, “en lugar de realizar as obras prometidas, o Concello limítase a poñer “un parche”, arreglando unha beirarrúa, un bordillo e tapando os baches de xeito provisional”.

Bautista Alfaya chama a atención que o Paseo Matutino, no que viven centos de veciños e veciñas “foi xa marxinado no seu momento deixándoo sen alumeado festivo” e permitindo que as súas zonas verdes e de recreo “estean no máis absoluto estado de abandono” a mais a falta da presencia da policia local . Lembralle ao Goberno local a concelleira de ACiP que “o vecindario do Paseo Matutino paga os seus impostos ao igual que calquera outro veciño” e considera que é “absolutamente inxusto o trato que se lle da a zona por parte do Goberno local que a ten no máis absoluto abandono”.

Raquel Bautista Alfaya preguntase a que dedica o seu tempo a concellería de Vías e Obras “xa que o estado de abandono no que está o casco urbano, é igual ao que sofren as parroquias”. Os impostos que pagan os cidadáns, afirma o portavoz de ACiP “teñen que revertir necesariamente na mellora da calidade de vida da cidadanía, ofrecendo mellores servizos e dándolle unhas infraestructuras dignas e acordes aos tempos que vivimos”, remata Bautista Alfaya.