Un choque entre un turismo e un furgón rexistrado esta madrugada en Mos sáldase con cinco persoas feridas. Todas elas foron evacuadas ao Hospital Álvaro Cunqueiro de Vigo.

Foi unha persoa particular a que chamou ao 112 Galicia á 1:15 horas desta noite. Segundo indicou, o accidente produciuse na estrada que vai de Vigo ao Porriño, á altura dunha rotonda próxima a unha gasolineira.

O persoal do Centro de Atención ás Emerxencias do 112 alertou decontado a Urxencias Médicas e aos Bombeiros do Baixo Miño. Tamén se informou a Servizo Municipal de Emerxencias, a Protección Civil e á Garda Civil de Tráfico.