Este pasado mércores 5 de xullo, no Salón de Plenos do Concello de Salvaterra,  tivo lugar a cerimonia de entrega de premios do I Certame de Relato Fantástico Agustín Fernández Paz.

O certame literario rende unha merecida homenaxe ao autor de Cartas de inverno, xusto cando se vai cumprir o primeiro cabodano do falecemento do escritor que tantos lectores gañou para a lingua galega. 

Foron os seus lectores os que retoman os fíos das historias encetadas por Agustín Fernández Paz, pois  o inicio de todos os relatos parte dun fragmento da súa obra. No certame, organizado polo EDLG do IES Salvaterra, participaron máis de 50 escolares de todas as etapas educativas.  

Ademais dos premios ás mellores historias, fixose entrega dun libro que recolle os relatos dos participantes e que se abre cun limiar de Manuel Bragado, director de Edicións Xerais e editor de Fernández Paz. A publicación, subvencionada polo Concello de Salvaterra,   entregada pola tenente de alcalde Marta Valcárcel que contou coa presenza da Comunidade Educativa do concello de Salvaterra.