A Agrupación Local do Partido Socialista de Mos ven de renovar a súa executiva local nunha asemblea extraordinaria celebrada o pasado venres 30 de xuño, tras a dimisión da anterior Secretaría Xeral.

Esta executiva foi respaldaba pola maioría dos seus militantes. Está integrada por 9 compoñentes da agrupación local: Victoria Alonso (Secretaria Xeral), Tomás Garcia (Vicesecretaria Xeral), Olaya Muiños (Secretaria de Organización), Patricia Pérez (Secretaria de Finanzas), Emilio Muiños (Secretario de Política Municipal), Mercedes Pampillón “Chiche” (Secretaria de Igualdade), Alejandro Figueroa (Secretario de Xuventude y Educación), Jose Antonio Mantilla (Secretario de Asociacións Veciñais) e Carlos Seijo (Secretario de Asociacións Culturais)

Entre os obxectivos primordiais desta nova executiva encóntranse “fortalecer o Partido Socialista de Mos, restablecer o contacto coa veciñanza e devolverlle a ilusión a tódolos veciños que non se senten identificados co goberno actual”. A nova Secretaria Xeral, Victoria Alonso, di estar “ilusionada con esta nova etapa que se lle presenta o Partido en Mos cun equipo forte e con gañas de aportar un graniño de area para intentar cambiar as cousas”, tamén engade que “Mos pódese cambiar se todos unimos as nosas forzas e logramos ter un goberno onde toda a veciñanza síntase respaldada, sean da cor que sean ”. A Secretaria Xeral, puntualiza que “vivimos asoballados por un goberno de dereitas que como non pode ser doutra maneira, basease no engano e na mentira”.