A Presidenta, Carmela Silva, acompañada do Vicepresidente, César Mosquera, e de todas as deputadas e deputados provinciais, presidirá mañá venres, no Salón de Plenos do Pazo Provincial, o acto de celebración do segundo aniversario ao fronte do goberno da Deputación de Pontevedra

Baixo o lema “+ equidade, + servizos”, Carmela Silva renderá contas dos principais fitos acometidos polo goberno provincial ao longo destes dous anos. Amais, tamén se proxectará un vídeo resumo no que se amosarán datos e cifras referentes a estes anos de xestión e os principais cambios que o equipo de goberno impulsou na institución provincial.

Está previsto que a este acto de celebración asistan todos os alcaldes e alcaldesas da provincia, de Pontevedra, así como colectivos e asociacións pertencentes a diferentes eidos, dende entidades sociais, económicas, a culturais e deportivas.

O acto será retransmitido por streaming a través da páxina web www.depo.es.