O Concello de Mos iniciou esta semana os traballos de ampliación e reforma do parque de Sanguiñeda, unha das principais demandas das nais e pais mosenses. O orzamento do proxecto é de 56.749 euros . As obras que visitaron a rexedora mosense Nidia Arévalo e o concelleiro de Parques e Xardíns, Cándido Rodríguez, están previstas que rematen a primeira semana de agosto  e consisten  na ampliación da superficie de zona de xogos, instalándose oito novos elementos de xogo, todos eles relacionados coa temática mariñeira e de animais. A actuación complétase coa mellora do firme  coa incorporación dun areeiro e colocación de borde de madeira para áreas de seguridade con garbancillo.

A mellora deste parque está incluída no estudo de diagnóstico dos parques infantís do municipio que realizou a Concellaría de parques e xardíns a principios de mandato e que está a ordenar as actuacións nas distintas áreas infantís  existentes segundo unha orde de prioridades.