O proceso de contratación das obras de rehabilitación do Pavillón Soledad Castro inícianse este semana e consta de dúas fases. Nesta primeira fase está prevista a construción dunha nova pista deportiva  valorada en 58.034,24 € dos cales achega a Vicepresidencia da Xunta de Galicia o 80% a través da subvención para a creación ou melloras de infraestruturas vinculadas á prestación de servizos municipais. Paralelamente está prevista a  construción duns novos vestiarios  grazas ao convenio asinado entre o Concello de Mos e a Secretaría Xeral para o Deporte cun importe de 23.490 €,  obra que deberá estar rematada e xustificada antes do 15 de outubro, Así mesmo iniciarase a construción de novas paredes , das cales farase cargo o seguro de responsabilidade civil do Concello, pois  lémbrase que o estado actual do pavillón débese ao  paso no  mes de febreiro dun temporal con ventos superiores a 100 km/ hora que  provocou o derrubamento das paredes da fachada principal e posterior, caendo as paredes na súa totalidade. As obras remataranse, nunha segunda e definitiva fase coa construcción dunha nova cuberta,  da cal se fará cargo o Concello na súa totalidade.