Dende o grumo Gañamos veñen de denunciar deficiencias no parque da auga en Sanguiñeda, un dos problemas  que denuncian aseguran "entraña un grave perigo xa que se trata duns cables do tendido eléctrico que estan aloxados no chan ao descuberto e accesibles a calquera rapaz. Supoñemos que son as conexións de algunhas farolas que logo foron cambiadas de sitio pero non se taparon".

En nota de prensa aseguran que advertiron "deste risco en reiteradas ocasións ao goberno municipal e segue sen arranxarse. Presentamos escritos e instamos en varios plenos a que se solucionase isto. Seguiremos insistindo para que actuen antes de ter que lamentar algunha desgracia".