O voceiro do Partido Popular de Salceda de Caselas, Santiago Rodriguez Davila, ven a denunciar a "pasivisade do Alcalde ante os acontecementos das últimas semanas. Segundo explica o voceiro, o Concello leva sufrindo actos vandálicos de diversa índole nos últimos meses, actos que se levan incrementado especialmente nas dúas últimas semanas".

 “Para poñernos en antecedentes é preciso explicar que Salceda de Caselas tan só conta con 5 policías locais activos a día de hoxe –os mesmos que dedicacións exclusivas e parciais ten o Grupo de Goberno-, posto que un dos membros deste corpo se atopa de baixa dende hai varios meses e o Alcalde non tivo a ben cubrila. Ademais, en anos anteriores nos meses de verán, o Concello contaba con policías auxiliares a través da Xunta para reforzar con motivo das vacacións; pois ben, a día de hoxe, Besada nin tan sequera o solicita” afirma Davila.

Continúa o voceiro “son moitos os veciños e as veciñas que veñen trasladando nos últimos días a este Grupo a insostibilidade da situación no noso Concello: ruidos a altas horas da madrugada provocados por carreiras de coches e derrapes nas rúas, desfeita do mobiliario urbá en rúas e piscina municipal, e actos de vandalismo varios como os da Senda da Lagoela e Fonte das Carballas ou nos propios vehículos dos salcedenses… A insuficiencia do persoal non permite cubrir as fins de semana nin todas as horas da madrugada, momentos nos que estes actos se intensifican. Así pois, cando os/as veciños/as precisan deste servizo, teñen que chamar á Garda Civil. Ante esta situación, o Alcalde xunto co seu Grupo de Goberno, en vez de poñer solución, piden axuda ós cidadáns para atopar ós culpables, o nunca visto vamos!”.

 

Nos programas electorais dos anos 2011 e 2015 xa contemplabamos a necesidade de aumentar en –alomenos- 2 os policías locais

 

Nos programas electorais dos anos 2011 e 2015 os populares xa mencionaban a necesidade de aumentar en alomenos dous os policías locais xa que “non pode ser que un Concello como o noso presente carencias deste tipo en servizos básicos como é o da seguridade. A inversión neste ámbito debe ser prioritaria para o Alcalde, en vez de despilfarrar  en publicidade e outros menesteres que pouco lle importan ós/ás salcedenses e que non repercuten nos mesmos”.

“Por todo o anterior, e dando voz ás demandas dos veciños e das veciñas, presentaremos no pleno deste mes de Agosto medidas ó respecto que explicaremos en profundidade (moción, convocatoria urxente da Xunta de Seguridade Local e Reposición inmediata da vacante deixada polo membro da Policía Local de baixa laboral, entre outras)” remata Rodriguez Davila.