Como cada ano o Concello organiza dentro da programación da Aula Antonio Fernández o Certame de Pintura ao aire libre do mesmo nome, que leva a unha gran variedade de artistas ás inmediacións do Río Miño ao seu paso polo concello.

As persoas participantes deberán realizar as súas obras en soporte ríxido como lienzo ou taboleiro, de 1 cm de espesor como mínimo, e terán o día dispoñible para rematar as súas obras, que haberán de entregar entre as 18.00 e as 19.00h xunto co cabalete no Espazo Fortaleza.

A inscrición para participar está aberta na web municipal onde ademáis poden consuiltarse as bases.   Aquelas persoas que o desexen poden inscribirse o mesmo día do certame na Aula Museo Antonio Fernández a partir das 9:30 h. e ata as 11:30 h. O bo tempo acompañará nesta oportunidade para desfrutar dun día de paisaxe, pintura e moito arte.