Entre as iniciativas presentadas polo grupo socialista atopábase a derrogación da ordenanza do imposto de plusvalías, despois da sentenza do TC que declaraba inconstitucional a aplicación deste imposto, “o que evitaría que os veciños ós que se lle cobre este imposto indebidamente teñan que facer a posterior reclamación para que lle devolvan o cobrado incorrectamente”.

Hai que ter en conta, sinalan dende o PSdeG-PSOE, que nalgúns casos “estas persoas teñen que acudir a solicitude de microcréditos para poder facer fronte a un imposto que despois teñen que devolverlle”. O Alcalde foi tallante neste punto, anunciando que non iba a deixar sen efecto a ordenanza e aqueles veciños que se lle cobre erroneamente terían que iniciar un proceso de reclamación contra o concello. Segundo as concelleiras socialistas, esta actitude marca unha vez máis a liña que ven seguindo o alcalde nos últimos tempos, falta de sensibilidade ante a situación que están a vivir os salcedenses, aplicando un imposto que é potestativo e que decide o Alcalde se aplicar ou non, mentres noutros concellos o están deixando sen efecto ata que se defina o novo método de aplicación. “Queda claro e así o afirmou publicamente no Pleno el mesmo, que o alcalde está en contra de calquera beneficio fiscal que se lle poida aplicar ós veciños, afirma Tourón.

Por outra banda, en relación co tema de seguridade, o Alcalde sumouse ás iniciativas presentadas polos grupos da oposición. Pero dende o grupo socialista explican que “a pesar de que a nosa iniciativa foi aprobada polos tres grupos, e sumada a iniciativa do outro grupo da oposición, non compartimos a negativa do Alcalde a que a policía local participe non entendemos que se cree un consello para definir un plan de seguridade que poña fin a situación que está a vivir Salceda sen que participen todos os axentes implicados no mesmo: representantes de colectivos, grupos políticos, policía local, etc.”. Ademáis engaden que  “aínda que nos alegramos de que por fin o Alcalde se sume as nosas reivindicacións e a falta de seguridade deixe de parecerlle unha opinión persoal da voceira socialista como manifestou no anterior pleno”

Mostrar os proxectos de obras ó público antes da súa aprobación

As concelleiras socialistas sinalan tamén a necesidade de que os veciños poidan aportar suxerencias os proxectos de obras, ademais do dereito de información e participación cidadá que sempre defendemos e por iso onte trasladamos unha iniciativa neste senso, para que se mostren os proxectos publicamente antes da súa aprobación e que esperamos que a nosa petición se faga efectiva dende xa.

Como conclusión, Verónica Tourón afirmou que “ os socialistas seguiremos a traballar para procurar melloras na vida cotiá dos nosos veciños, e que a falta de democracia real que en cada pleno mostra o Sr. Alcalde non permitindo debater as mocións da oposición, non nos vai a levar a deixar de facelo, porque estamos seguros que a veciñanza saberá valorar a actitude de cada quen”, a voceira socialista tamén lle recomenda ó Sr. Alcalde “que abandone os ataques furibundos ó PsdeG e lle dedique o seu tempo a gobernar, a acadar unha atención sanitaria digna para Salceda, a traballar no PXOM, a dotar Salceda dun polígono industrial no Cerquido, etc., que polo que vemos son temas que precisan maior atención por parte do goberno local”.