Tres coches colidiron esta mañá na A-52, ao  paso da localidade de Mos e unha persoa resultou ferida. Sobre as 10:45 horas, un particular alertaba ao 112 Galicia dun accidente múltiple no enlace da A-52, dirección Tui, cunha persoa ferida.

Decontado, o Centro Integrado de Atención ás Emerxencias de Galicia (CIAE) deu conta do suceso ao 061-Urxencias Sanitarias. Deste  xeito, informou tamén a Tráfico, Bombeiros de Baixo Miño e aos efectivos do Servizo Municipal de Emerxencias de Mos.

O ferido foi evacuado polo persoal sanitario e trasladado ao Hospital Álvaro Cunqueiro de Vigo.