A Biblioteca Municipal do Porriño segue a súa programación de cursos e actividades para 2017, co obxectivo de que a mesma siga a ser un espazo de aprendizaxe, encontro e inserción social e un servizo público de importancia na sociedade actual.

Con esta finalidade, vence de abrir as inscricións para cursos e actividades de balde-con prazas limitadas- nas que teñen prioridade as persoas empadroadas no Porriño.

As mesmas son:  Club de lectura de adultos, que terá lugar luns alternos de 6 e media a 8 da tarde; Club de Lectura Infantil, para rapazas e rapaces de entre 8 e 12 anos, que será os venres alternos de 6 e a 7 e media da tarde;  Grupo de Conversa en alemán, os martes entre as 18:30 y las 19:30. Este grupo non precisa inscrición previa; Grupo de Conversa en inglés, os martes entre as 18:00 e 19:00 h. (nivel básico)  entre as 19:15 e 20:15 h. (nivel medio).

Alfabetización dixital, os mércores de 10 a 11 e media da mañá. Está pensado para adultos con coñecementos moi básico sobre o uso de ordenadores; Fotografía Dixital, para iniciarse neste mundo e mellorar a técnica: os venres 20 e 27 de outubro de 5 a 8 da tarde.

As persoas interesadas poden dirixirse á propia Biblioteca Municipal ou entrar na súa páxina web: https://bibliotecadoporrino.com/.