Dende a concellería de Participación Cidadá que dirixe a edil Julia Loureiro infórmase de que xa se atopa aberto o prazo de inscrición para a actividade que terá lugar o vindeiro 30 de setembro pola chamada Ruta da Cerámica.

A ruta terá saída do pazo de Mos ás 10.30 horas da mañá e chegada ao Pazo sobre as 12.00 horas. Unha vez finalizada a ruta haberá unha explicación dun ceramista sobre como se traballa a cerámica e os participantes terán a oportunidade de elaborar algunha peza.

O límite de participantes é de 50 en total por iso os interesados deben inscribirse canto antes. Esta ruta está enmarcada no programa da Deputación de Pontevedra denominado ‘Etnoexperiencias, itinerarios e mostras do saber popular’ e organízao conxuntamente co grupo Estela Arqueoloxía e Patrimonio.

En Mos realízase a Ruta da Cerámica pola tradición existente no municipio do traballo desta técnica artístico-artesanal.