Unha fuga de gas propano mantén acordoada a zona das Angustias en Mos, na esntrada ao casco urbano do Porriño. No lugar atópanse efectivos dos Bombeiros do Parque Comarcal do Porriño, Protección Civil de Mos e Policía Local do Porriño e Mos ademáis de técnicos de Gas Natural.

Un equipo especial de risco químico dos bombeiros do Porriño (NRBQ) desplazouse ao lugar xunto a técnicos de Gas Natural que están a realizar medicións con explosímetros para determinar as concentracións e orixe da posible fuga.

A Policía Local mantén a zona acordoada ante o perigo de explosión.

Téncicos de Gas Natural e Bombeiros traballaban esta mañá na zona para localizar a fuga. O acceso ao centro urbano do Porriño permanece pechado ao tráfico e acordoado pola Policía Local.