Un operativo para buscar unha posible fuga de propano desenvolvido polos Bombeiros de Porriño, Protección Civil do Porriño e Mos e as policías locais de Mos e O Porriño xunto a técnicos de Gas Natural provocou enorme inquietude entre os veciños da zona esta mañá.

Despois do despregamento que se produciu en Mos, concretamente na zona das Angustias, xusto á entrada do termo municipal do Porriño, os medios intervenientes  non puideron localizar a posible fuga.

Non houbo que lamentar feridos aínda que foi necesario evacuar unha vivenda e un baixo na zona.