O Consello Reitor da Axencia Galega de Emerxencias (Axega) nomeou hoxe a Marcos Araújo Pereira como novo xerente. Araújo ten unha ampla experiencia no sector das emerxencias e ata o de agora era o xefe de servizo do parque de bombeiros do Porriño.

Nado no ano 1974, é enxeñeiro técnico forestal e posúe dos masters: un como técnico superior en Prevención de Riscos Laborais e outro en dirección e xestión de empresas. Ademais, ten unha extensa formación complementaria con cursos relacionados coa loita contra incendios forestais, urbanos e industriais, salvamento, superviviencia, rescates acuáticos ou xestión de emerxencias.

Na súa dilatada experiencia profesional destaca a súa etapa bombeiro no grupo de intervención rápida da Mancomunidade de municipios do Val Miñor, e como director do centro de formación en Seganosa, un centro de formación de referencia para servizos de emerxencia en toda a península Ibérica. A súa última responsabilidade era como xefe de servizo do parque de bombeiros no Porriño.