Ante as numerosas queixas de veciños e veciñas, que acusan a redución de frecuencias, a eliminación de liñas e os atrasos nos horarios do servizo de transporte público, a Xunta de Portavoces analizou a pasada semana a situación que se está a dar no municipio coa implantación do novo Plan de Transporte de Galicia.  Na mesma, os populares transmitiron a necesidade de "reclamar á Xunta de Galicia que se restablezcan as liñas e frecuencias afectadas de xeito que os veciños e veciñas das parroquias porriñesas non vexan mermado o servizo de transporte público".

Ademais, o grupo municipal do Partido Popular insistiu "na necesidade de solicitar á Consellería de Infraestruturas a información precisa acerca das liñas actualmente existentes, paradas e horarios para, á vista destos datos, poder concretar reclamar debidamente ante a administración autonómica que cubra as necesidades existentes no noso termo municipal,  xestión que o Concello do Porriño non tivo a ben levar a cabo".

Sorprende aos populares "o uso que o Goberno Municipal do Porriño pretende facer de esta cuestión, desatendendo as peticións deste grupo e eludindo a súa resposabilidade, cando o certo é, que o Concello do Porriño amosou unha absoluta despreocupación neste senso durante o proceso de elboración do Plan. O goberno de Eva García nin se quera cubriu o formulario enviado pola consellería avaliando de maneira previa a implantación do Plan de Transporte no Municipio. Unha vez definido o documento o Concello do Porriño non  presentou ninguha alegación ao novo Plan de Transporte, sendo co-responsable, por tanto, das deficiencias do mesmo".

 

Os populares solicitaron a información sobre as liñas e frecuencias afectadas e que se informe aos veciños debidamente sobre os novos horarios e paradas

 

Pola contra, dende o grupo municipal do Partido Popular aseguran que estanse "a levar a cabo as xestións precisas para resolver as dificultades xeradas co novo Plan". Os populares aseguran que "non limitan a súa obriga a enviar comunicados de prensa e, como debía ter feito o Goberno Municipal, iniciaron as xestións precisas para dar solución á problemática do transporte no Porriño atendendo, en primer lugar, á falta de información dos veciños e veciñas sobre horarios e paradas".

Por último dín que "unha vez máis é a oposición quen ten que levar  a cabo as responsabilidades do goberno de Eva García, que, como acostumbra, en lugar de facer as xestións que lle corresponden para defender os intereses dos veciños, limitase a  deixar pasar o tempo e eludir responsabilidades".