A Asociación de Comerciantes do Porriño inauguraba onte martes día 3 de Outubro unha novedosa e punteira maneira de atraer clientes a través dunha plataforma de ofertas cruzadas entre establecementos asociados.

De momento xa son 41 os establecementos adheridos e se agarda que este número medre. Os comercios participantes pertencen a sectores tan variados como: Ópticas, alimentación, confección, zapatería, confección infantil, automóviles, zapatería infantil, electrodomésticos, informática, área de xogo infantil, herboristería, clínica dental, deportes, bolsos e complementos, librerías, xogueterías...

A través desta aplicación, denominada Oferlink, os consumidores poderán beneficiarse de diferentes ofertas se mercan en diferentes comercios asociados a través de cupóns electrónicos a través do móvil. Para elo, os consumidores deberán comprar en tendas adheridas ao centro comercial aberto Morea do Porriño e indicar ao comerciante que quere recibir o seu cupón-oferta.  Por cada compra, os clientes recibirán vía SMS os cupóns de oferta que poderán canxear noutra tenda da mesma zona. Deste xeito, canto máis se compre, máis ofertas-cupón reciben os consumidores/as. 

Trátase por tanto de introducir un novidoso sistema de ofertas cruzadas que permite premiar a fidelidade dos consumidores. “Queremos que os compradores e consumidores que veñan a O Porriño se beneficien non só dun comercio de calidade, senón que volten a mercar porque lles saia máis rentable grazas a estas ofertas e cupóns-desconto- afirman dende ACIPOR” 

Os interesados en beneficiarse desta aplicación non teñen máis que achegarse a calquer establecemento para que lles indiquen cómo beneficiarse deste sistema. 

Pioneiros a nivel metropolitano

O Porriño será pioneiro a nivel metropoliano nesta iniciativa e un dos primeiros centros comerciais a nivel galego que aposta polas aplicacións móviles. Nun intre no que as novas tecnoloxías permiten mellorar as transaccións comerciais, ACIPOR da un paso cara a mellora dos servizos e a aposta polas novas tecnoloxías para que aumentar as ofertas e servizos aos seus consumidores e axudar a fidelizalos cun comercio de calidade como é o do Porriño.

Os interesados poderán atopar máis información nos comercios do Porriño ou en ACIPOR.