Os socialistas de Mos veñen de agradecer ao goberno de Carmela Silva na Deputación de Pontevedra "a súa disposición para a sinatura do convenio para a mellora integral da estrada provincial Puxeiros-Peinador".

As obras, que suporán a  rehabilitación do firme da estrada con calmado de tráfico e nova iluminación, terán como consecuencia inmediata a  mellora na seguranza viaria para todos os usuarios e usuarias da vía, tanto peonís como motorizados.

Para os socialistas mosenses, "a Deputación está a demostrar unha vez mais que está coa veciñanza de Mos, pese aos continuos ataques da alcaldesa por cuestións e intereses partidarios. Esta é  a demostración clara do que supón que Carmela Silva estea ao fronte da Deputación”, aseguran, e lamentan que “a alcaldesa estea permanentemente á contra, ninguneando o traballlo que fai a administración provincial”

Desde o PSOE de Mos celebran que  "este mércores a Alcaldesa asine este convenio, que vai mellorar o estado  dunha estrada abandonada durante anos a pesar de ter unha  importante capacidade vertebradora dentro do municipio xa que conecta o núcleo urbano co aeroporto, o IFEVI e a zona industrial do Rebullón".

“Esperamos  que, coa sinatura de este convenio, a Alcaldesa de Mos recoñeza publicamente, e dunha vez por todas, o apoio decidido que este concello está a recibir por parte da Deputación provincial”, conclúen.